ផ្ទុះ​ទៀត​ហើយ! អាល់ប៊ុម​ដំបូង​របស់​លោក ព្រាប សុវត្ថិ ចាប់ដៃ​គូ​ជាមួយ តន់ ចន្ទសីម៉ា ចេញ​ស្អែក​នេះ

ភ្នំពេញ ​៖ ​ដូច​ការ​រំពឹងទុក​របស់​ទស្សនិកជន​មែន ​ខណៈដែល​វត្តមាន​កំពូល​តារាចម្រៀង​លោក​ព្រាប សុវត្ថិ នៅក្នុង​ផលិតកម្ម galaxy navatra ច្បាស់​ជា​អ្នកគ្រប់គ្រង​ផលិតកម្ម​នឹង​រៀបចំ​ឲ្យ​ច្រៀង​រួមគ្នា​ជាមួយ​តារាចម្រៀង​ណា​ម្នាក់​ជាក់​ជាមិនខាន​ដោយ​ក្នុងនោះ តន់ ចាន់​សី​ម៉ា គឺជា​ជម្រើស​ទី​១​។ ​ការ​ទន្ទឹង​នោះ​ នឹង​ចេញ​លទ្ធផល​ថ្ងៃស្អែក​នេះហើយ គឺ​ពួកគេ ពិតជា​ចេញ​បទ​ចម្រៀង​រួមគ្នា​នៅ​ថ្ងៃស្អែក​នេះ​តែម្ដង។

តាម​ការ​បង្ហើប​ពី​ប្រភព​ច្បាស់ការ​មួយ​បទ​ចម្រៀង​ដែល​លោក​ព្រាប សុវត្ថិ និង តន់ ចន្ទ​សី​ម៉ា​មាន​ចំណងជើង​ថា “​កាត់​ឆុង​” ជា​បទ​បែប​ញាក់​។ ប្រភព​ដដែល​បាន​បន្ត​ឲ្យ​ដឹង​ថា ផលិតកម្ម galaxy navatra បាន​ថត​MV​ចប់​រួចរាល់​ថ្មីៗ​នេះ ហើយ​គ្រោង​នឹង​បង្ហោះ​លើ​ឆា​ណែ​ល យូ​ធូប របស់ខ្លួន​នៅ​ថ្ងៃស្អែក​នេះ​តែម្ដង​។​ ការចាប់​ដៃគូ​គ្នា​នេះ មិនមែនជា​រឿង​ចៃដន្យ​នោះឡើយ ​លុះត្រាតែ​តារាចម្រៀង​លំដាប់​ដូចគ្នា​ទើប​ជា​ដៃគូ​លោក​ព្រាប សុវត្ថិ​។​

តន់ ច័ន្ទ​ស៊ី​ម៉ា វិញ អាច​ចាត់ទុកថា​ក៏​ជា​កំពូល​តារាចម្រៀង​វ័យក្មេង​ដែរ​ ខណៈដែល​តាម​ទិន្នន័យ​របស់​ផលិតកម្ម galaxy navatra បញ្ជាក់ថា​ចុងឆ្នាំ​នេះ ​តារា​វ័យក្មេង តន់ ច័ន្ទ​សី​ម៉ា មាន​អ្នកទស្សនា​ដល់​រហូតដល់​ជាង ៥០០​លាន​ដង​ក្នុង​មួយឆ្នាំ ដោយ​សន្ទុះ​ខ្លាំង​មិនគួរ​ជឿ វ៉ា​ដាច់​គេ​ទាំងអស់ ហេតុផល​នេះហើយ​ទើត​ន់​ចន្ទ​សី​ម៉ា​មានឱកាស ត្រូវបាន លោក​ព្រាប​សុវត្ថិ សម្រេចចិត្ត ចាប់​ដៃគូ​បង្កើត​អាល់​ប៊ុ​ម​ថ្មី​។

បងប្អូន​ដឹង​ហើយ​ថា ព្រាប​សុវត្ថិ គឺជា​កំពូល​តារាចម្រៀង ដែល​ខ្លាំង ដូចជា​ផ្កាយ​នាំ​សំណាង នៅពេល​ចាប់ ដៃគូ​ជាមួយ​នរណាម្នាក់ តែ​លេចធ្លោ​ជានិច្ច តែ​តន់​ច័ន្ទ​សី​ម៉ា​វិញ ក៏​មិន​ណ​យ​ដែរ ខ្លាំង​រហូត​គ្មាន​គូ​ប្រៀប ក្នុង​ឆ្នាំ​ចុងក្រោយ​នេះ យើង​ត្រូវ​ចាំមើល ថា​តើ បទ​ចម្រៀង​របស់​អ្នក​ទាំងពីរ នៅ​អាល់​ប៊ុ​ម​ថ្មី​នេះ មាន​អ្វី​ពិសេស​ខ្លះ​?៕​

Related posts