ច្បាស់​ហើយ! ស្តាប់​ការបកស្រាយ​របស់​នាយ ចឺម រឿង​បន្ទប់ទឹក​ធ្វើឡើង​ពី​មាស​ ធ្វើ​ឲ្យ​ផ្ទុះ​ការរិះគន់

ភ្នំពេញ ​៖ ​បន្ទាប់​មានការ​បែកធ្លាយ ​និង​ចុះផ្សាយ​ករណី​បន្ទប់ទឹក​របស់​តារាចម្រៀង ចឺម បានធ្វើ​ឡើង​ពី​មាស​ក្រហមឆ្អិនឆ្អៅ​ទាំង​ការ៉ូ​នៅក្នុង​បន្ទប់​ និង​បង្គន់​នោះ ក៏​ស្រាប់តែ​ផ្ទុះ​ការរិះគន់​បាញ់​ចាក់​ស្រោច​ជាច្រើន​ពី​សំណាក់​មហាជន​រួមទាំង​អ្នកលេង​បណ្តា​សង្គម​ហ្វេ​ស​ប៊ុ​ក​ទៅលើ​តារាចម្រៀង​រូបនេះ​ថា​អួត​ខ្លាំង​ តិច​ពេល​ធ្លាក់ខ្លួន​ឈឺ​ប្រកាស​សុំ​ជំនួយ​ទៀត​ទៅ។

ជាការ​បកស្រាយ ​និង​ឆ្លើយតប​ការរិះគន់​នាយ ចឺម បាន​រៀបរាប់​ភ្ជាប់​ជាមួយ​ឃ្លី​ប​វីដេអូ​មក​ថា ​រឿង​មួយ​ទៀតហើយ​ខ្ញុំ​!​ប្អូន​ជួយ​ស៊ែ​VDO​មួយ​នេះ​ផង​ណា​បាទ ហើយ​បងៗ​មួយចំនួន​តូច​ដែល​តែង​តែ​comment ជេរ​ខ្ញុំ និង​ជ្រេញ​ខ្ញុំ ស្តាប់​ម្ចាស់​ខ្លួនគេ​និយាយ​សិន​បានទេ កុំ​ចេះតែ​ថាៗ ហើយ​អត់​មើល​សោះ ​បើ​គ្រាន់តែ​ថា​ខ្ញុំ​ក៏​ចេះ​ថា​ដែរ​បង សូមទោស​បងប្អូន​និយាយ​មែន​ស្រលាញ់​បងប្អូន​ណាស់។

នាយ ចឺម បាន​និយាយ​បន្ថែមថា ​ជុំវិញ​រឿងរ៉ាវ​ចាន់​បង្គន់​មាស​នេះ​គឺ​កើតឡើង​ស្របពេល​ដែល​លោក​K01​បានធ្វើ​ការថត​វីដេអូ ​រួច​យកទៅ​បង្ហោះ​ចែករំលែក​នៅលើ​បណ្តាញ​សង្គម​ ហើយ​និយាយថា​បន្ទប់ទឹក​នាយ ចឺម សុទ្ធ​តែ​មាស​…..​។​ចំពោះ​ករណីនេះ​ខ្ញុំ​សូម​បកស្រាយ​វិញ​ថា ​កុំ​មានការ​យល់ច្រឡំ​បងប្អូន ហើយក៏​មិន​ខឹង​ឬ​បន្ទោ​ស​លោក K01​ដែរ​ ព្រោះ​ពេលខ្លះ​គាត់​និយាយ​មិន​អស់​ពាក្យ​រឿង​បន្ទប់ទឹក​ពណ៌​មាស​នេះ។

អតីត​តារា​កំប្លែង​នាយ ចឺម បាន​បញ្ជាក់ថា​បន្ទប់ទឹក​របស់ខ្លួន​ពិតជា​រៀបចំ​តុបតែង​ឡើង​មាន​ពណ៌​មាស​មែន​ ប៉ុន្តែ​ពុំមែន​ធ្វើឡើង​ពី​មាស​នោះទេ ​ហេតុនេះ​សូម​បញ្ឈប់​ការយល់ច្រឡំ​ទៀ​តទៅ​មហាជន។ ម្យ៉ាងទៀត​មុននឹង​ផ្ញើ​សារ​ចូល​ជេរប្រមាថ​រិះគន់​លើ​លោក​នោះ​ សូម​ទស្សនិកជន​ត្រូវ​ពិចារណា​ឬ​ស្តាប់​ការបកស្រាយ​សិន​ពុំមែន​ឲ្យ​តែ​ឃើញ​គេ​ចុះផ្សាយ​អ្វី​ជេរ​យកៗ​ដូច្នេះ​ទេ។

គេហទំព័រ​Kh Stars​សូម​មិន​ធ្វើការ​អត្ថាធិប្បាយ​អ្វី​ឲ្យ​លម្អិត​ច្រើន​ជាងនេះទៀត​ទេ ​ដូច្នេះ​មានតែ​បង្វែង​អារម្មណ៍​ទស្សនិកជន​ទៅ​ចូលរួម​ទស្សនា​វីដេអូ​នៃ​ការបកស្រាយ​របស់​តារា​វ័យក្មេង​នាយ ចឺម ដូចខាងក្រោម​នេះ​តែម្តង​៖៕


https://www.facebook.com/556795231461736/videos/541606303325370/

Related posts