មិន​ធម្មតា! ចាន់ គូ​មែន ពេល​ជួប សុខ ពិសី ​ក៏​ធ្វើ​រឿង​នេះ​ភ្លាម

ភ្នំពេញ ​៖ ​អតីត​បេក្ខភាព​ប្រឡង​កម្មវិធី X Factor របស់​ស្ថានីយ​ទូរទស្សន៍​ហង្ស​មាស​លោក ចាន់ គូ​មែន ថ្មីៗ​នេះ​ បាន​បង្ហោះ​រូបភាព​ជាច្រើន​សន្លឹក​នៅ​លើ​បណ្តាញ​សង្គម​ហ្វេ​ស​ប៊ុ​ក​របស់​ខ្លួន ​ដោយ​ក្នុង​នោះ​គេ​សង្កេតឃើញ​ លោក​ក៏បាន​ថត​កៀក​ជិតស្និទ្ធ​ជាមួយ​តារា​ស្រី​រៀមច្បង​កញ្ញា សុខ ពិសី ភ្ជាប់​ជាមួយ​ប្រយោគ​មួយ​ឃ្លា​ខ្លី​មានន័យ​គួរ​ឲ្យ​ចាប់អារម្មណ៍។

ជាការ​កត់សម្គាល់​លោក ចាន់ គូ​មែន ថ្វីត្បិតតែ​មិនជា​ប់​ជា​ម្ចាស់​ជ័យលាភី​ក្នុងការ​ប្រឡង​ក៏ពិតមែន​តែបើ​តាម​ការ​សង្កេត​ ក្រោយពេល​បញ្ចប់​ការប្រឡង​កម្មវិធី​លំដាប់​ថ្នាក់​ពិភពលោក X Factor ចាន់ គូ​មែន គឺ​មាន​សន្ទុះ​ទីផ្សារ​គាំទ្រ​និង​ប្រជាប្រិយភាព​ច្រើន​គួរ​សម។

ភាពលេច​ធ្លោ​របស់​តារាចម្រៀង​លោក​ចាន់ គូ​មែន នេះហើយ​ ទើប​ធ្វើ​ឲ្យ​បេក្ខភាព​រូបនេះ​កាន់តែ​មានឱកាស​ទីផ្សារ​ចម្រៀង​នៅតាម​កម្មវិធី​ប្រគំ​តន្ត្រី​នានា ​ដែល​អាច​រកប្រាក់​ចំណូល​បាន​ខ្ពស់​ពី​ការឡើង​ឆាក​ម្តងៗ។

ចាប់អារម្មណ៍​មក​មើល​នៅលើ​បណ្តាញ​សង្គម​ហ្វេ​ស​ប៊ុ​ក​របស់លោក ចាន់ គូ​មែន ថ្មីៗ​នេះ ​បាន​បង្ហោះ​រូបភាព​អនុស្សាវរីយ៍​ជាច្រើន​សន្លឹក​ដោយ​ក្នុង​នោះ​គឺ​មាន​១​សន្លឹក​ដែល​ថត​កៀក​ស្និទ្ធ​ជាមួយ​រៀមច្បង​កញ្ញា សុខ ពិសី បង្ក​ការចាប់អារម្មណ៍​គាំទ្រ​ពី​សំណាក់​ទស្សនិកជន​គ្រប់គ្នា។ លើសពី​តែប៉ុណ្ណោះ ចាន់ គូ​មែន ក៏បាន​ពោល​ពាក្យ​ដោយ​ខ្លី​ថា​ បាន​ជួប​រៀមច្បង សប្បាយៗ។

តាមរយៈ​រូបភាព​នេះ​ បានធ្វើ​ឲ្យ​ទស្សនិកជន​និង​អ្នកគាំទ្រ​ជាច្រើន​នាំគ្នា​សរសើរ​ហើយ​លើកឡើងថា ចាន់ គូ​មែន ពិតជា​អតីត​បេក្ខភាព​ប្រឡង​កម្មវិធី X Factor​ដែល​មាន​សមត្ថភាព​ច្រៀង​បាន​ពីរោះ​និង​មាន​ភាព​រួស​រាយ​រាក់ទាក់​ខ្លាំង​គួរ​ឲ្យ​សរសើរ​ទឹកចិត្ត៕

 

Related posts